Sapatu

Ngapel ceuk bahasa kiwarimah, di lembur kuringmah geus lumrah di sebutna teh "nganjang",..nyaeta ngadatangan imah awewe anu di aku kabogoh tea. Ngarumasakeun borangan kuringmah nganjang teh tara ti peuting, ngahaja we sok pasosore, aya dua kauntungan nganjang pasosore teh nu kahiji teu kungsi ngaluarkeun biasa extra keur muruhan nu nganteur, nu kadua: ku sabab indung bapana can marulang ti sawah atawa ti kebon jadi bisa leuwih laluasa ngobrolna, heureuyna jeung nu SEJENA,...moal di beja2 nu sejenamah bisi comel xixixi....

Nya harita oge asa can lila diuk di ruang tamu teh, nginum oge karek gelas ka tilu, wajit sapiring, ranginang we satengah keler katambahan ku ngobrol ngaler ngidul nepi ka kulon malahanmah,..ke heula, lain can lila atuh ari kitumah nya xixixi, ngarana oge anu keur lope2an waktu teh sok tara karasa nyerelekna heuheuy deuh,..keur kitu kapireungeu aya tukang dagang ngagorowok:

"Angurna anguuuuur aramis yeuuuh" tukang dagang gogorowokan di lentongkeun.

"mang icalan anggur..??" ceuk kuring tina lawang panto

"sanes a, ieu mah onderdil motor" cek tukang dagang ngaheureuykeun. bari terus nyampeurkeun

teu keuheul ieuh ku tukang dagang di kitukeun teh terus we nanya deui:

"Sabara sakilona mang?.." kuring nanya

"Sapuluh a" cek manehna bari ngecagkeun tanggungan

"Sapuluh rebu" cek kuring rada kaget

"muhun sapuluh rebu, da ari ngical sapuluh juta mah bilih emang tereh teuing ka mekah"..cek tukang anggur ngabodor didituanamah. kuring ngan bati mentegeg dikitukeun teh.

Keur kitu torojol sakadang bebende kaluar ti dapur nyampeurkeun kuring nu keur padu rega jeung tukang anggur bari terus miluan tatanya:

"sabarahaan mang ? " pok na bari terus nagong hareupeun tangguangan

"Lima belas rebu teh" tukang anggur nembalan.."bangkawarah sugan mah siah" kuring ngagerentes na jero hate, ari bieu ka kuring nawarkeun sapuluh, naha ayeuna jadi limalas rebu, tp teu loba omong repeh we nungguan getakna.

"opat rebu we mang" ceuk wewe kuring teu kireum2, bari am ngahuapkeun anggur dua siki, ngasaan majarkeun teh terus cacamuilan.

Lebok siah, nawarkeun limalas rebu ditawar opat rebu gerentes hate kuring mupuas ka tukang anggur.

"teu acan dugi kana jinisna teh, kumaha pami sapuluh. etang2 muruhan nanggung ka mamang,. ti dituna oge tos dalapan rebu teu bohong emangmah" tukang anggur pasang beungeut pikarunyaeun.

Gancangna carita, kusabab kabogoh kuring keukeuh kana harga tawaran nana bari ngasaan teu eureun2 antukna tukang anggur eleh de'et:

"sok we atuh candak" ceuk tukang anggur, bari terus nimbang sakilo

song kuring ngasongkeun duit lima lembar sarebuan, maksudnamah karunya ari opat rebu teuing mah didituan namah rada royal, maklum hareupeun kabogoh.

"wios a, opat rebu we da tos jangji mamangna masihan pangaos sakitu" ceuk manehna bari mulangkeun deui duit salambar sarebu perak. "aya ku soleh tukang dagang teh" pikir kuring

Kuring arasup deui ka imahkeun bari teu malire tukang dagang nu keur meresan dagangan nana.

Teu kungsi lila ti harita kuring pamit rek mulang, salian waktu geus burit jaba indung bapana kabogoh kuring oge geus daratang ti sawah, geus sasalaman mah terus we kaluar maksud rek di sapatu.

"ari sapatu kamana" ceuk kuring bari kokotetengan neangan hareupeun imah

"tadimah aya basa nawar anggur tea, malahan katincakan sagala ku tukang anggur" jawab bebende, bari mantuan neangan.

Teg we hate teh langsung su'udzon ka tukang anggur, ku sabab euweuh deui jalma nu ngaringkang kalebah dinya dina waktu ngan ukur sababaraha menit...ehm hampura mang lain tega kuring oge nawar anggur opat rebu perak teh, tapi naha atuh di hilian ku sapatu kuring, ngumpulkeun duit jang meuli sapatu teh nepika kesang ka bo'ol2 kacida teuing,....cenah lamun lain ku mamang hampura kuring su'udzon ka mamang. piraku nyangka ka Polisi mah, kuriak di tembak atuh.

***MATAK ARI NAWAR TEH ULAH SOK PENGKUH2 TEUING, BISI AYA WAWALESNA::::::